Web Temática
Rede de Escolas de Saúde para a Cidadanía 
O web Rede de Escolas nace para ser referencia dos pacientes, familiares e coidadores no Sistema Nacional de Saúde, con independencia do lugar de residencia, a súa idade e tendo en consideración os seus coñecementos e as súas preferencias.
Rede Española de Axencias de Avaliación de Tecnoloxías Sanitarias e Prestacións do SNS
A Rede Española de Axencias de Avaliación de Tecnoloxías sanitarias e Prestacións do SNS créase co fin de promover a calidade, eficiencia e sustentabilidade en avaliación de tecnoloxías sanitarias no SNS. Esta páxina web facilita o acceso a informes de avaliación de tecnoloxías sanitarias, guías de práctica clínica e outros produtos baseados na evidencia.
Estilos de vida saudable
Accións da Estratexia de Promoción da Saúde e Prevención no Sistema Nacional de Saúde. A súa finalidade é proporcionar información útil e de calidade, axustada ás diferentes necesidades da cidadanía: Recomendacións, ferramentas interactivas, vídeos e outros materiais e recursos de utilidade para facer máis saudables os nosos estilos de vida.
Comisión Nacional de Reprodución Humana Asistida
A Comisión Nacional de Reprodución Humana Asistida é o órgano colexiado do Ministerio de Sanidade, de carácter permanente e consultivo, dirixido a asesorar e orientar sobre o uso das técnicas de reprodución humana asistida, a contribuír á actualización e difusión dos coñecementos científicos e técnicos nesta materia, así como á elaboración de criterios funcionais e estruturais dos centros e servizos onde se realizan.
Seguridade do paciente
A Seguridade do Paciente, unha dimensión esencial da calidade asistencial, implica desenvolver estratexias para reducir o dano innecesario ao pacientes asociados á asistencia sanitaria. O Ministerio de Sanidade desenvolveu a Estratexia de Seguridade do Paciente do SNS en colaboración coas Comunidades Autónomas, as Sociedades Científicas e as Asociacións de Pacientes.
Esta web fornece acceso a todas as actividades despregadas no eido da Estratexia, prácticas seguras, informes de seguridade do paciente, xornadas científicas, Sistema de Notificacións SiNASP e formación a través de cursos autoguiados sobre Seguridade do Paciente, Xestión de Riscos e Hixiene das Mans.
Observatorio da Saúde das Mulleres
A evidencia científica demostrou que existen diferenzas nos factores que determinan a saúde de homes e mulleres, e que se teñen que identificar e ter en conta para atinxir políticas sanitarias máis equitativas e xustas, mellorando a eficiencia e a calidade do sistema sanitario.
A Orde PCI 462/2019, pola que se crea o Observatorio da Saúde das Mulleres (OSM) dependente da Dirección Xeral de Saúde Pública e Equidade en Saúde, ten por obxecto dotar a Administración Xeral do Estado dun mecanismo que permita reforzar o enfoque de xénero nas políticas públicas sanitarias, contribuíndo á consecución da equidade na saúde e á eliminación paulatina das desigualdades por mor do xénero.
